Şabranda bir nəfərdən 50 kiloqram marixuana aşkarlanıb.
ShimalNews DİN-nin Mətbuat Xidmətinə istinadən xəbər verir ki, Baş Narkotiklərlə Mübarizə İdarəsinin əməkdaşları tərəfindən keçirilən tədbir zamanı 27 yaşlı Tərlan Əzimov Şabran rayonu ərazisində saxlanılıb.
Əvvəl məhküm olmuş şəxsin üzərindən və avtomobilindən 50 kiloqram marixuana və 4780 ədəd metadon həbi aşkarlanaraq müsadirə edilib.
Gənc narkotik vasitələri şəxsiyyəti istintaqla araşdırılan İran vətəndaşından Xəzər dənizinin Şabran rayonu sahilində əvvəlcədən müəyyən olunmuş yerdən götürərək maddi qazanc müqabilində ayrı-ayrı ünvanlara çatdırmağı planlaşdırıb.
Faktla bağlı cinayət işi başlanıb, məhkəmənin qərarı ilə Əzimov barəsində həbs qətimkan tədbiri seçilib.
