Xaçmaz rayonunda kənd sakinləri üçün tibbi müayinə aksiyası təşkil olunub. Bu barədə ShimalNews 10 iyul tarixində məlumat verir.
Rayon Mərkəzi Xəstəxanasının həkim və tibb işçilərindən ibarət briqada Nabran Həkim Məntəqəsində aksiyada fəaliyyət göstərib. Terapevt, mama-ginekoloq , pediatr və laborant həkimlər tərəfindən 41 nəfər müayinələrdən keçirilib, onlara ümumilikdə 53 tibbi xidmət göstərilib.
Tibbi göstəriş əsasında vətəndaşlardan laborator analizlər götürülüb, nəticəyə uyğun olaraq, onlar müalicəyə cəlb olunublar.
