Muğanlı–İsmayıllı avtomobil yolunun yeni çəkilmiş hissəsində torpaq sürüşməsi qeydə alınıb.
Shimal.News xəbər verir ki, hadisə ilə bağlı videogörüntülər sosial şəbəkələrdə yayılıb və müzakirələrə səbəb olub.
Bildirilir ki, sürüşmə yolun 11-ci kilometrliyində, Ağsu rayonunun Sanqalan və Quzey kəndləri istiqamətinə gedən hissəsində baş verib. Kadrlarda yolun kənar hissəsində torpaq qatının çökməsi qeydə alınıb.
Hadisənin baş vermə səbəbləri hələlik rəsmi olaraq açıqlanmayıb. İlkin ehtimallara görə, sürüşmə son günlər müşahidə olunan yağıntılar və torpaq qatının zəifləməsi ilə bağlı ola bilər.
