İsmayıllıda faydalı qazıntı yataqları hərraca çıxarılacaq. Bu haqda ShimalNews 19 aprel tarixində Əmlak Məsələləri Dövlət Xidmətinə istinadən məlumat verir.
İyunun 5-də hərracda Təzəkənd (25 ha) qum-çınqıl yataqları investorlara təklif olunacaq.
Başlanğıc qiymətləri 10.500-15.000 manat arasında dəyişən yataqlara sahib olmaq üçün iddiaçılar müvafiq sənədlər toplusunu 27 may 2024-cü il saat 18:00-dək "Bakı KOB evi”nə (Bakı şəhəri, Ziya Bünyadov prospekti, 38C, 1969-cu məhəllə) təqdim edə bilərlər. Göstərilən vaxtdan gec təqdim olunmuş sənədlər açılmadan geri qaytarılacaq.
Hərrac Əmlak Xidmətləri Məkanında (Bakı şəhəri, Nizami rayonu, Xəlil Rza Ulutürk küçəsi, 20) keçiriləcək.
