Türkiyənin Kabadüz rayonunda fındıq istehsalçısı olan Osman Aktepe, qəhvəyi mərmər bağacığı böcəyinə qarşı tətbiq etdiyi təbii üsulla diqqət çəkib.
Shimal.News-un məlumatına görə, zərərvericilərə qarşı kükürd və odun külü qarışığından istifadə edən Aktepe, bu metodu fındıq bağında tətbiq edərək tam uğur əldə etdiyini bildirib.
Onun sözlərinə görə, ilk dəfə bu il sınaqdan keçirdiyi üsul yüksək nəticə verib:
“Bu il fındıq bağımda tətbiq etdiyim bu üsul sayəsində yaxşı nəticə əldə etdim. Məncə, qəhvəyi mərmər bağacığı böcəyinin ən böyük düşməni kükürddür. Kükürdü odun külü ilə qarışdıraraq istifadə etdim və nəticə son dərəcə effektiv oldu".
Aktepe əlavə edib ki, kükürdlə qəhvəyi mərmər bağacığı arasında yaranan təbii mübarizə bu zərərvericinin yaşamasını demək olar ki, mümkünsüz edir. O, tətbiq etdiyi üsulun həm təsirli, həm də təhlükəsiz bir həll yolu olduğunu da vurğulayıb.
