Mərkəzi Seçki Komissiyası növbədənkənar parlament seçkilərinin ilkin nəticələrini ictimaiyyətə təqdim edib. ShimalNews xəbər verir ki, 87 saylı Qobustan-Şamaxı-İsmayıllı seçki dairəsindən namizədliyini irəli sürən Şahin Kamil oğlu Seyidzadə 60,3% səsl toplayıb.
Seyidzadə Azərbaycan Milli Məclisinin VI çağırış üzvü olub. 3 mart 2022 tarixində “İçərişəhər” Dövlət Tarix-Memarlıq Qoruğu İdarəsinin İdarə Heyətinin sədri vəzifəsinə təyin edilinə görə deputat səlahiyyətlərinə xitam verilmişdir.
Kamil Seyidzadə 1978-ci il aprelin 15-i Bakı şəhərində doğulub. O, 1995-ci ildə Texniki-Humanitar Liseyini bitirib. 1999-cu ildə Azərbaycan Dövlət Pedaqoji Universitetinin bakalavr, 2001-ci ildə isə həmin universitetin magistr pilləsini başa vurub. O, 2006-ci ildə Azərbaycan Dövlət İqtisad Universitetinin "Menecment" ixtisası üzrə magistr dərəcəsi alıb. 2007-ci ildə isə İngiltərənin Mançester Universitetinin "Təhsilin təşkili və idarəetməsi ixtisası" üzrə magistr dərəcəsi alıb.
Millət vəkili 1999–2005-ci illərdə "Milli Debat Mərkəzi"nin direktoru vəzifəsində çalışıb. 2005–2007-ci illərdə "İnsan Resursları Məktəbi"nin rəhbəri olub. 2006–2012-cı illərdə bir sıra özəl müəssisələrin rəhbərlik vəzifələrində çalışıb. 2012–2016-cı illərdə Azərbaycan Respublikası Gənclər Təşkilatları Milli Şurasının sədri, 2012–2017-ci illərdə Azərbaycan Respublikasının Prezidenti yanında Gənclər Fondunun Müşahidə Şurasının üzvü olub. 2015-ci ildən Azərbaycan Respublikası Təhsil Nazirliyinin "SABAH qrupları"nın İcra Komitəsinin rəhbəridir. 2019-cu ildən Azərbaycan Respublikası Sahibkarlar (İşəgötürənlər) Təşkilatları Milli Konfederasiyası "Gənc sahibkarlarla iş komissiyası"nın sədr müavinidir. 2019-cu ildən Heydər Əliyev Fondunun təşəbbüsü ilə "Regional İnkişaf" İctimai Birliyi tərəfindən həyata keçirilən "Sosial layihələr" müsabiqəsinin rəhbəridir. 9 fevral 2020-ci ildə keçirilən növbədənkənar parlament seçkilərində 50 saylı Abşeron-Qobustan seçki dairəsi üzrə VI çağırış millət vəkili olaraq seçilib.
Əlavə məlumat:
VI çağırış Azərbaycan Respublikası Milli Məclisinin deputatı Şahin Seyidzadənin deputat səlahiyyətlərinə xitam verilməsinə səbəb onun başqa ödənişli fəaliyyətlə məşğul olması olub.
