Şimal zonasında məktəbəqədər təhsil müəssisələrinin rəhbərləri üçün təşkil edilən təlimlər başa çatıb. Bu barədə ShimalNews 16 avqust tarixində Quba-Xaçmaz Regional Təhsil İdarəsinə istinadən məlumat verir.
Xaçmaz, Quba və Qusar rayonlarında baş tutan təlimlər yekunlaşıb. “Yeni kurikulumun tətbiqi və ilkin İKT bacarıqlarının formalaşdırılması” adlı təlim 5 gün davam edib. İTK-nin təhsildə tətbiqi rəhbərlərin müasir biliklərə və bacarıqlara malik olmaları üçün təşkil edilir.
Eyniadlı təlimin məktəbəqədər təhsil müəssisələrinin tərbiyəçi müəllimləri üçün də təşkili nəzərdə tutulub.
