Qusarın Ləzə kəndində sel fəsadlar törədib. Bu barədə ShimalNews 2 avqust tarixində “Bizim.Media”ya istinadən məlumat verir.
Ötən həftə müşahidə edilən güclü yağışlar səbəbindən körpü çöküb. Sakinlər bildirirlər ki, kənddəki sərhəd zastavasına və kəndin otlaq sahələrinə getmək çətinləşib.
Qusar Fövqəladə Hallar Komissiyasının (FHK) sədri, icra başçısının 1-ci müavini Şahid Fərəməzov kənd körpüsünün iyulun 29-da qəzalı vəziyyətə düşdüyünü təsdiqləyib. Onun sözlərinə görə, müvafiq qərar qəbul edilməsi üçün tikiliyə baxış keçiriləcək.
[video width="464" height="848" mp4="https://shimal.news/storage/photos/2024/08/33811.mp4"][/video]
