"Kəndinə qayıt" verilişində Laza kəndinə səyahət yer alıb. Amma budəfə Qusar deyil, Qəbələnin eyni adlı kəndindən gedir söhbət.
Baku TV-nin süjetində bildirilir ki, rəvayətə görə, burada yaşayanların əcdadları bura Qusarın Lazasından köç edərək burada məskunlaşıblar.
Kənd rayon mərkəzindən 8 km aralıda yerləşir. Buraya gələn aparıcı Kəmalə Bədəlova tanınmış çay evində olub. O, məkanın sahibi olan nənə ilə söhbət edib:
"Buranı 65 yaşımda olanda əziyyətimlə tikmişəm. İstifadəyə veriləndən sonra çayxanaya tez-tez məşhur simalar qonaq gəliblər".
Elə həmin gün çayxanaya gələn qonaqlardan biri də tanınmış fitnes məşqçisi Kamil Zeynallı olub. Söhbət zamanı o, buranı çox sevdiyini söyləyib:
"Qəbələdə yaşamaq istəyirəm, atmosferini, təbiətini çox sevirəm. Neçə ildir arzum idi ki, burada evim olsun".
Arıçı, bloqer və bələdçi Xanəhmədlə birlikdə aparıcı Laza (Zəyli) şəlaləsində olub. Sözügedən şəlalə Qəbələnin Laza kəndində, Şahdağ Milli Parkının 5 km dərinliyində yerləşir. Şəlalənin hündürlüyü 25 m təşkil edir.
Daha ətraflı videoda:
[video width="640" height="360" mp4="https://shimal.news/storage/photos/2024/09/videoplayback.mp4"][/video]
