Lahıc Tarix-Mədəniyyət Qoruğunda turist axınının tənzimlənməsi üçün yeni geniş dayanacaq sahəsi inşa edilir.
Shimal.News xəbər verir ki, bunu Dövlət Turizm Agentliyi yanında Qoruqları İdarəetmə Mərkəzinin İdarə Heyətinin sədri Murad Ağabəyli jurnalistlərə açıqlayıb.
Onun sözlərinə görə, son illər Lahıca gələn turistlərin sayının kəskin şəkildə artması avtomobillərlə giriş problemini daha da qabardır:
“Lahıca avtomobillərin daxil olması məhdudlaşdırılıb, buna görə də uzun müddətdir park etmə problemi yaşanır”.
Artıq qərar verilib – Lahıcın girişində daha böyük parkinq zonası yaradılır. Hazırda inşaat və bərpa işləri yekunlaşmaq üzrədir. Basqalda tətbiq olunan pulsuz parkinq modeli Lahıcda da həyata keçiriləcək.
