Qusarın Kuzunqışlaq kəndində məktəb binasının tikintisi yarımçıq qalıb.
Bu barədə Shimal.News-a yerli sakinlər məlumat veriblər. Onların sözlərinə görə, ötən ilin fevral ayında kəndlərində yeni məktəbin tikintisi xəbərini eşidəndə çox seviniblər. Ümid ediblər ki, nəhayət bundan sonra övladları normal məktəbdə təhsil alacaqlar.
Lakin sevinc hissi çox çəkməyib. Çünki avqust ayından etibarən məktəbin tikintisi dayanıb. Buna səbəb nə olduğu barədə dəqiq məlumat verilməyib.
Kuzunqışlaq tam orta məktəbinin yeni binası 2 mərtəbəli və 220 şagird yerlik olması nəzərdə tutulub. Onu qarşıda gələn ilin ferval ayının 10-da təhvil verilməsi planlaşdırılıb. Lakin bir mərtəbəsi tililərək proses yarımçıq saxlanılıb. İşlərin qeyd olunan tarixə başa vurulması qeyri-mümkündür. Çünki qarşıdan şimal bölgəsinin təbiətinə xas olan şaxtalı qış fəsli gəlir.
