Xaçmaz sahilində külli miqdarda narkotik vasitələr aşkar edilib.
Shimal.News Dövlət Sərhəd Xidmətinin (DSX) Mətbuat Mərkəzinə istinadən xəbər verir ki, həyata keçirilən kompleks əməliyyat-axtarış tədbirləri nəticəsində Niyazabad kəndində yerləşən sahil nəzarəti bölməsinin xidməti ərazisində ümumi çəkisi 205 kiloqram 135 qram müxtəlif çeşidli narkotik vasitə və 13110 ədəd narkotik tərkibli metadon M-40 həbi aşkar edilərək götürülüb.
Narkotik vasitələrin ölkə ərazisinə gətirilməsində şübhəli bilinən 3 nəfər Azərbaycan Respublikası vətəndaşı sahilboyu ərazidə saxlanılıb.
Fakt üzrə əməliyyat-istintaq tədbirləri davam etdirilir.
