Bu gün səhər saatlarında Samur-Abşeron kanalının Xızı rayonunun Yaşma kəndi yaxınlığından keçən hissəsində kişi meyiti aşkarlanıb. Əraziyə FHN-nin və hüquq-mühafizə orqanlarının əməkdaşları cəlb olunub. Sudan çıxarılan meyit tanınmaz haldadır.
Shimal.News-un əldə etdiyi məlumata əsasən, hazırda meyitin şəxsiyyəti müəyyənləşdirilir. İlkin ehtimala görə, meyit sentyabrın 6-da itkin düşən Siyəzən şəhər sakini Mahmud Məlikova məxsus olduğu düşünülür.
Shimal.News-un əməkdaşı məsələni dəqiqləşdirmək üçün itkin düşən Mahmud Məlikovun atası Kamal Məlikov ilə əlaqə saxlayıb. O, polis bölməsində olduğunu qeyd edib:
“Hazırda polis bölməsindəyəm. Meyiti tanıma prosesi davam edir. Ağız suyundan DNT analizi götürülüb. Mən tanıya bilmədim. Lakin boyu-buxunundan bənzəyir. Son rəyi ekspertiza verəcək”.
Qeyd edək ki, Azərbaycan Dövlət Neft Və Sənaye Universitetinin sonuncu kurs tələbəsi olan M.Məlikovun onlayn oyunlara qurşandığı, bu səbəbdən özünü Samur-Abşeron kanalına atdığı iddia edilirdi.
Daha öncə, meyitin tapılması barədə məlumat vermişdik.
Nəzrin Vahid
