Nikitin adına kolxozun bazasında yaradılacaq “İvanovka Aqropark” ASC-nin təqdimat mərasimi keçirilib.
Shimal.News məlumat verir ki, tədbir İvanovka kənd Mədəniyyət sarayında baş tutub.
Burada İsmayıllı Rayon İcra Hakimiyyətinin başçısı Nahid Bağırov, Azərbaycan Respublikası Kənd Təsərrüfatı Nazirliyinin müşavirləri Rövşən Həsənov və Fərid Nəcəfov, Aqrolizinq ASC-nin şöbə müdiri İlqar Məhərrəmov, “İvanovka Aqropark” ASC-nin direktoru Ramin Əlifov, Nikitin adına kolxozun üzvləri iştirak ediblər.
Təqdimat mərasimində təsərrüfatda bütün sahələr üzrə hazırki vəziyyət təhlil edilib və aqroparkın inkişaf istiqamətləri, aqropark üzvlərinin sosial-iqtisadi şəraitinin daha da yaxşılaşdırılması, yeni iş yerlərinin yaradılması, müasir texnologiyaların təsərrüfatda tətbiq olunması barədə danışılıb.
Sonda kolxoz üzvlərini maraqlandıran suallar cavablandırılıb.
