“İsmayıllı etnomühitindəki azsaylı xalqların folkloru” kitabının təqdimat mərasimi keçirilib. Bu barədə ShimalNews 29 aprel tarixində məlumat verir.
Tədbir “Huner Group”un baş ofisində “Nəfəs” İctimai Birliyi və “Azərbaycanın Dostları Təşkilatı”nın dəstəyi ilə həyata keçirilib.
Müəllif f.ü.f.d. Dadaş Əliyevin sözügedən kitabı onun ilk monoqrafiyasıdır. Kitab İsmayıllı etnomühitində özlərinə layiqli yer tutmuş və milli-mədəni kimliklərini qoruyan azsaylı xalqların – lahıc, ləzgi, hapıt, molokan və etnoqrafik qrupun – Ahıska türklərinin folklor ənənələrinin araşdırlmasına həsr olunub.
Monoqrafiyada hər bir nümunə qeydə alındığı dildə, ehtiyac duyulduğu məqamda isə tərcüməsi ilə təqdim edilib.
