İsmayıllı rayonunda təsərrüfatların çoxu genişzolaqlı internetə çıxışla təmin edilib. Bu haqda ShimalNews 3 iyul tarixində xəbər verir.
“Aztelekom” MMC GPON texnologiyasından istifadə edib. Bununla artıq şəhər mərkəzində 6.994 ev və kəndlərin 15.442 təsərrüfatı genişzolaqlı internetdən istifadə edir.
GPON texnologiyasının tətbiqi ilə 100 Mbit/s-dək internet paketləri (internet, internet + telefoniya, internet + televiziya, internet + telefoniya + televiziya) təklif olunur. Tariflər isə 18-48 manat arasında dəyişir.
Vətəndaşlar xidmətlərə qoşulmaq üçün “170” Çağrı Mərkəzinə zəng edə, ərazi üzrə xidmət göstərən şöbəyə, həmçinin www.aztelekom.az saytı vasitəsilə müraciət edə bilərlər.
