İsmayıllı rayonunda yerləşən aqroturizm təsərrüfatlarına dəstək göstərilib. Bu haqda ShimalNews 14 avqust tarixində məlumat verir.
“Şəhərdən Kəndə” layihəsi çərçivəsində Balik kəndində olan Azər Əliyevə məxsus təsərrüfat sahəsinə yardım edilib. O, bağçılıq və balıqçılıqla məşğul olur, toyuq-cücə saxlayır. Onun 20 ha ərazini əhatə edən təsərrüfatında 12 nəfərin gecələməsi və 60 nəfərin qidalanması üçün şərait yaradılıb. Burada uşaqların əylənməsi üçün uşaq oyun meydançası tikilib.
Qalacıq kəndində yerləşən fermer Şahin Əlisultanovun təsərrüfatına eləcə də dəstək göstərilib. Burada bağçılıq, arıçılıq və maldarlıq olan təsərrüfatda söhbətgah və sanitar qovşağı tikilib, uşaq oyun meydançası salınıb, rəngli lampalar quraşdırılıb. Ümümilikdə fermada 15 nəfərin gecələməsi və 24 nəfərin qidalanması üçün şərait yaradılıb.
Bütün bunlar Kənd Təsərrüfatı Nazirliyi tərəfindən və “Paşa Holdinq”in dəstəyi ilə həyata keçirilir.
