İsmayıllı rayonunda narkotikin təsiri altında avtomobil idarə edən sürücü həbs olunub. Bu haqda ShimalNews 3 may tarixində məlumat verir.
Keçirilən nəzarət-profilaktik tədbirlər zamanı polis əməkdaşları “VAZ-2107” markalı avtomobilin sürücüsü təhlükəsizlik kəmərindən istifadə etmədiyi üçün ona “saxla” işarəsi veriblər.
Sənədləri yoxlanılarkən Rasim Alızadənin sürücülük hüququnun olmadığı məlum olub. Sürücü, həmçinin narkotik vasitə qəbul etməsinə dair şübhə yaratdığından tibbi müayinədən keçirilib. Onun marixuana istifadə etdiyi müəyyən olunub.
Məhkəmənin qərarı ilə Alızadə 15 sutka inzibati qaydada həbs edilib.
