Azərbaycan Respublikasının Medianın İnkişafı Agentliyi və Gənclər Fondunun birgə təşkilatçılığı ilə “Media savadlılığı”na həsr olunan tədbir baş tutub.
Shimal.News məlumat verir ki, İsmayıllı və Qəbələ şəhərlərində Regional İnkişaf və Karyera Mərkəzlərində 60-a yaxın gənc üçün “Media savadlılığı” mövzusunda təlim keçirilib.
Agentliyin Media dəstək layihələri və strateji planlaşdırma şöbəsinin əməkdaşı Aynur Zeynallı düzgün mənbələrin müəyyən edilməsi, media məzmununa sorğulayıcı yanaşma bacarıqlarının inkişafı və yanlış informasiyanı tanımaq üçün istifadə olunan üsullarla bağlı iştirakçılara ətraflı məlumat verib.
Sonda mövzu ilə bağlı keçirilən testin qalibləri mükafatlandırılıb.
