İsmayıllının Qoydan kəndində torpaq sürüşməsi nəticəsində fərdi yaşayış evləri təhlükəli vəziyyətlə üzləşib. Bu barədə ShimalNews 24 iyun tarixində “Report”a istinadən məlumat verir.
Hadisəyə səbəb son vaxtlar aramsız yağan yağışların sürüşmə zolaqlarını aktivləşdirməsi olub. Əsasən, dağətəyi ərazilərdə olan evlərə ziyan dəyib. Qoydan sakinlərinin sözlərinə görə, bir-iki gün torpaq sürüşməsi davam etsə, kənddə yaşamaq mümkün olmayacaq.
Məsələ ilə bağlı icra nümayəndəsi Vüqar Bəşirov bildirib ki, aidiyyəti qurumların nümayəndələri əraziyə baxış keçiriblər:
“Şəkillər çəkilib, koordinatlar götürülüb. Layihə smeta sənədlərinin hazırlanması işləri davam etdirilir. Yaxın gələcəkdə həmin ərazidə yaşayan insanların təlukəsizliyinin qorunması ücün lazımi addımlar atılacaq".
