İsmayıllıda həkim-pediatr və ailə həkimi-terapevtdən ibarət briqadaların fəaliyyəti davam edir. Bu haqda ShimalNews 3 avqust tarixində məlumat verir.
Topçu kəndində ailə həkimi-terapevt Fikrət Bədirov uşaqları müayinə edib, onlardan bir qisminə yaş dövrünə uyğun peyvənd vurulub.
Yaradılan briqadalar qrafik əsasında Ailə Sağlamlıq Mərkəzinə yaxın olan həkim və tibb məntəqələrinə təhkim olunur. Məqsəd rayonun bütün yaşayış məntəqələrində yaşayan əhaliyə göstərilən tibbi xidmətə, o cümlədən uşaqların profilaktik peyvənd işlərinə və azyaşlı uşaqlar, hamilə və zahı qadınlar üçün ev ziyarəti xidmətinə nəzarəti gücləndirməkdir.
