İsmayıllı Rayon Mərkəzi Xəstəxanasında (RMX) Tibbi Şuranın iclası baş tutub. Bu haqda ShimalNews 2 avqust tarixində məlumat verir.
İclasda İsmayıllı RMX-nin direktoru Vidadi Rəhimov, baş həkim Nərgiz Rəhimova, Tibbi Şuranın üzvləri, rayon Gigiyena və Epidemiologiya Mərkəzinin direktoru Xanlar Qəmbərov, Epidemiologiya şöbəsinin müdiri Elburus Bağırov, Ailə Sağlamlıq Mərkəzinin müdirləri, kənd həkim və tibb məntəqələri müdirləri, xəstəxananın şöbə müdirləri iştirak ediblər.
Gündəlikdə cari ilin 6 ayında profilaktik peyvəndlərin yerinə yetirilmə vəziyyəti, 2023-2024-cü ilin 6 ayı ərzində rayon üzrə 1-0, 1-2, 1-5 yaşlarında doğum və ölüm göstəriciləri, eləcə də çarpayı planının yerinə yetirilməsi vəziyyəti müzakirə olunub.
Sonda iştirakçılara tövsiyə və tapşırıqlar verilib.
