İsmayıllı Rayon Mərkəzi Xəstəxanasında ödənişsiz tibbi müayinə təşkil edilib. Bu barədə ShimalNews 29 aprel tarixində məlumat verir.
Aksiya Yeni Azərbaycan Partiyasının təşəbbüsü və İsmayıllı Rayon İcra Hakimiyyətinin təşkilatçılığı ilə şəhid ailə üzvləri və qazilər üçün keçirilib.
Aprelin 27-28-də professor Tofiq Cahangirov və onun rəhbərliyi altında çalışan həkim heyəti tərəfindən kardioloji, nevroloji və endokrinoloji müayinələr keçirilib. Həmçinin müasir rəngli doppler exokardioqrafiya, qarın boşluğunun ultrasəs müayinələri də aparılıb.
"Qarabağ Azərbaycandır! Zəfər Azərbaycanındır!" şüarı altında ümumilikdə 200 nəfərdən artıq şəxs müayinə olunub və onlara müxtəlif müalicələr təyin olunub.
