İsmayıllı rayonunda ağır yol qəzası baş verib.
Qafqazinfo.az-ın məlumatına görə, hadisə gecə saat 01:00 radələrində qeydə alınıb.
“VAZ-2107” markalı avtomobilin 1983-cü il təvəllüdlü sürücüsü Yasin Rəhimovun idarəetməni itirməsi nəticəsində nəqliyyat vasitəsi yolun kənarındakı obyektə çırpılıb.
Hadisə zamanı xəsarət alan sürücü xəstəxanaya aparılarkən yolda ölüb. Sərnişinlər - 32 yaşlı Mehman Babayev və 33 yaşlı Bəhruz Əlizadə isə xəsarət alıblar.
DİN-in Mətbuat Xidmətinin Şəki regional qrupundan bildirilib ki, faktla bağlı rayon polis şöbəsində cinayət işi başlanılıb, istintaq aparılır.
