Dövlət Ekoloji Təhlükəsizlik Xidmətinin əməkdaşları İsmayıllıda nəzarət tədbirləri keçiriblər.
Shimal.News adıçəkilən quruma istinadən bildirir ki, Qaraqaya kəndinin inzibati ərazisində qanunsuz yolla ağac kömürü istehsal edilən kömür quyuları aşkar olunub.
Araşdırma zamanı həmin kənd sakinləri Məhəbbət Adıgözəlli, Nəkibə Hüseynova, Günel Süleymanova, Firəngiz Zəkiyeva və Taleh Nəcəfov qanunsuz kömür istehsalı ilə məşğul olduqları qeydə alınıb.
Faktlarla bağlı adıçəkilən şəxslər barəsində akt və protokol tərtib edilərək qanunamüvafiq tədbir görülüb, kömür quyuları isə ləğv edilib.
