Girdimançay çayının İsmayıllı rayonunun inzibati ərazisindən keçən hissəsində qanunsuz ağackəsmə faktı aşkar edilib.
Shimal.News Dövlət Ekoloji Təhlükəsizlik Xidmətinə isitinadən məlumat verir ki, məsələ ilə bağlı araşdırma aparılıb.
Sərdahar körpüsünün yaxınlığındakı yaşıllıq ərazidə ağac və kolların qanunsuz kəsildiyi müəyyən edilib. Əməli törədən Röyal Adıgözəlov barəsində akt tərtib olunub.
Yaşıllıqlara dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış sənədlər Azərbaycan Respublikasının Baş Prokurorluğuna göndərilib.
