İsmayıllıda təcili tibbi yardım maşınında doğuş hadisəsi baş verib. Bu barədə ShimalNews 15 may tarixində xəbər verir.
Mayın 14-ü gecə vaxtı Təcili tibbi yardım stansiyasına çağırış verilib. Həkim ginekoloq Afaq Mirzəyeva və mama İlahə Adıgözəlova briqadanın tərkibində dərhal Zərnava kəndinə yola düşüblər.
Çətin və yağıntılı hava şəraitinə görə hamilə qadını vaxtında İsmayıllı Rayon Mərkəzi Xəstəxanasına çatdırmaq mümkün olmayıb və saat 01:30 radələrində oğlan uşağı dünyaya gəlib. Sonra isə ana və körpə sağ-salamat xəstəxanaya çatdırılıblar.
