İsmayıllıda narkokuryerlər “Kalaşnikov” avtomatı və müxtəlif növ narkotik vasitələrlə saxlanılıblar. Bu barədə ShimalNews 22 may tarixində məlumat verir.
Rayon Polis Şöbəsinin əməkdaşları əməliyyat keçiriblər. Nəticədə Vüqar Məmmədov, Amil Boyatov, Zaur Şirinov və Səyyar Məmmədov saxlanılıblar. Onlardan silah və 30 ədəd patronla daraq, eləcə də narkotik vasitə olan marixuana, heroin və metamfetamin aşkar edilərək götürülüb.
Saxlanılanlar maddi gəlir qarşılığında narkokuryerliyə cəlb olunduqlarını bildiriblər. Onlar odlu silah və narkotikləri əvvəlcədən razılaşdıqları yerə çatdırmalı imişlər.
Faktla bağlı cinayət işi başlanıb, araşdırmalar davam etdirilir.
