İsmayıllının Tircan kəndi ərazisində meyit aşkarlanıb.
Unikal.az-ın məlumatına görə, həmin kənd sakini 70 yaşlı Misirxan Nəsirovun meyiti su keçidindən tapılıb.
Mərhumun psixoloji problemləri var idi. O, bir neçə gün idi ki yoxa çıxmışdı.
"Misirxanın bir oğlu, bir qızı vardı. Bir neçə il əvvəl oğlu təxminən 22-23 yaşında arı sancması nəticəsində həyatını itirdi. Oğlanın allergiyası olduğuna görə arı sancması onun həyatına son qoydu. Qızı da ailəlidir. Misirxanın əvvəldən də psixi geriliyi var idi, amma oğlu rəhmətə gedəndən sonra vəziyyəti bir az da ağırlaşmışdı. Dünən axşam meyiti tapılıb. Hazırda məsciddədir. Az sonra dəfn olunacaq", - deyə sakin bildirib.
