İsmayıllının girişində yerləşən, rayonun ilk kəndi olan Bizlanın sakinləri uzun illərdir ki, yol və su problemindən əziyyət çəkirlər.
Baku TV-nin məlumatına görə, sakinlər aidiyyəti qurumlara üz tutsalar da, müraciətləri faydasız olub:
"Kəndimizə baxan yoxdur. Yollar bərbad haldadır, işıqlandırma yoxdur. İcra hakimiyyətinə müraciət edəndə deyirlər ki, bu kənd vergi vermədiyi üçün yola asfalt çəkilmir. Amma başqa kəndlərin yolu asfaltlıdır".
İsmayıllı Rayon İcra Hakimiyyətində mövcud problemlərlə bağlı suallara cavab verə bilən şəxs tapılmadı. Yalnız özünü növbətçi kimi təqdim edən qadın sözügedən məsələlər ilə bağlı bələdiyyələrə və digər müvafiq qurumlara müraciət etmək lazım olduğu bildirib.
