Dağlıq Şirvan Regional Məşğulluq filialının təşkilatçılığı ilə İsmayıllı şəhərində əmək yarmarkası keçiriləcək.
Shimal.News xəbər verir ki, bu barədə Dövlət Məşğulluq Agentliyi məlumat yayıb.
Bildirilib ki, yarmarkaya gələn namizədlərin şəxsiyyət vəsiqələrini təqdim etmələri mütləqdir. Namizədlərin CV nümunəsi ilə birlikdə gəlmələri arzuolunandır.
Vakansiyalar, iş öhdəlikləri və şərtlər haqqında daha ətraflı məlumat yarmarkada iştirak edən şəxslərə təqdim olunacaq.
Maraqlanan şəxslər yanvarın 10-u saat 10:00-da İsmayıllı şəhəri, Heydər Əliyev parkı, İsmayıllı xidmət şöbəsinin inzibati binasına yaxınlaşmalıdırlar.
