İsmayıllı rayonunda yanğın baş verib.
Qafqazinfo.аz-ın məlumatına görə, hadisə rayonun Vaşa kəndində olub.
Şakir Əlsafa oğlu Mustafayeva məxsus ümumi sahəsi 160 kv.m olan ikimərtəbəli ev alışıb. Nəticədə həmin bina əşyaları ilə birlikdə, onun qarşısında olan talvar, təndirxana və tövlə tamamilə yanıb.
Daha sonra yanğın genişlənərək qonşuluqda yerləşən Rza Əlsafa oğlu Mustafayeva məxsus fərdi yaşayış evinə də keçib. Nəticədə ümumi sahəsi 40 kv.m olan kürsülü birmərtəbəli ev içərisində olan əşyalarla birlikdə tamamilə yanıb.
Hadisə zamanı xəsarət alan olmayıb.
