İsmayıllı rayonunun Tircan kəndi ərazisində yerləşən hotel hərrac vasitəsilə satışa çıxarılıb.
Yeniavaz.com-un məlumatına görə, icra məmurlarının sifarişi əsasında “Zəngəzur Harmony” hotelin tərkibində olan 5 müxtəlif tikili ayrı-ayrılıqda satışa çıxarılıb.
Həmin obyektlərin ən böyüyü 1 764,8 kv.m sahəsi olan 5 mərtəbəli binadır. Onun ilkin satış qiyməti 3 milyon 350 min manat təşkil edir.
Bundan başqa, 1 590,5 kv.m sahəsi olan 3 mərtəbəli obyekt 2 milyon 800 min, 631,2 kv.m sahəsi olan 3 mərtəbəli obyekt 1 milyon 220 min, 255,4 kv.m sahəsi olan 2 mərtəbəli obyekt 870 min, 719 kv.m sahəsi olan 2 mərtəbəli obyekt isə 910 min manata satışa çıxarılıb.
Keçiriləcək hərracda iştirakçılar ilkin satış qiymətinin 5%-i həcmində beh ödəməlidirlər.
