İsmayıllıda gənc anaların sağlam övlad böyütməsinə xidmət edən mütəmadi təlimlər təşkil olunur. Bu barədə ShimalNews 23 may tarixində məlumat verir.
Maarifləndirmə tibb üzrə fəlsəfə doktoru cərrah-ginekoloq Sevinc Seyidəliyeva tərəfindən keçirilib. Məqsəd isə zahı analar arasında “Ana südünün faydaları” haqqında düzgün məlumat ötürmək olub.
Yenidoğulmuşların intensiv terapiyası bölməsinin müdiri Gülər Babayeva yeni ana olan qadınlara ana südünün faydaları, körpəni düzgün yedizdirmə qaydaları haqqında ətraflı məlumat verib.
Gülər xanım analarla söhbət zamanı bildirib ki, “Ana südü əvəzedilməz qida kimi körpənin ilk peyvəndidir. Ana ilə övladı arasında olan bağlar ana südü vasitəsilə möhkəmlənir. Doğulduqdan sonra ilk yarım saat ərzində körpənin döşə qoyulması həm ana, həm körpə üçün sağlamlıq cəhətdən çox önəmlidir.
Həmçinin analar süd vasitəsilə körpəsinə öz əhvali-ruhiyyəsini də göndərir, buna görə süd verən anaların psixoloji cəhətdən sağlam və sakit olmaları çox vacibdir.
