İsmayıllıda “Təmiz məhəllə” adlı tədbir keçirilib. Bu haqda ShimalNews 24 iyun tarixində məlumat verir.
Ekoloji aksiya "Yalnız bir Dünya" layihəsi çərçivəsində baş tutub. Tədbir Uşaq Səfirlər Məclisinin İsmayıllı rayonu üzrə region nümayəndələrinin təşəbbüsü ilə məclisin könüllüləri ilə "Yaşıl dünya naminə həmrəylik ili"nə həsr olunub.
Aksiyanın həyata keçirilməsində məqsəd insanları ətraf mühitə qarşı daha həssas olmağa səsləmək, eyni zamanda rayon ərazisində gənclər tərəfindən bu cür ekoloji aksiyaların keçirilməsini təşviq etməkdir.
