Şəki Ağır Cinayətlər Məhkəməsində yol qəzası törətməkdə təqsirləndirilən Orxan Rəhimlinin (adı, soyadı şərtidir) cinayət işi üzrə məhkəmə istintaqı başa çatıb.
Pravda.az-ın məlumatına görə, hakim Xaliq Məmmədovun sədrliyi ilə keçirilən prosesdə hökm oxunub.
Məhkəmənin hökmü o, 6 il müddətə azadlıqdan məhrum edilib və məhkəmə iclas zalında həbs edilib.
İttihama görə, hadisə 22 dekabr 2024-cü il tarixdə, gecə saat 2 radələrində Qaraməryəm-İsmayıllı-Şəki yolunun İsmayıllı rayonunun ərazisindən keçən 39-cu kilometrliyində qeydə alınıb.
Belə ki, Orxan Rəhimlinin idarə etdiyi “Mercedes” markalı avtomobilin idarəetməni itirməsi nəticəsində qəza baş verib. Nəticədə sərnişinlər - 24 yaşlı Səfər Rəşidov hadisə yerində və həmyaşıdı Şükür Şükürlü isə xəstəxanada vəfat edib. Sürücü və daha bir sərnişin isə xəsarət alıb.
Hadisədən sonra Orxan Rəhimli saxlanılıb və barəsində ev dustaqlığı qətimkan tədbiri seçilmişdi.
Qeyd edək ki, qəzada ölən şəxslər Orxan Rəhimlinin dostları olub.
