Azərbaycan Kinosu Günü münasibətilə gənclər üçün İsmayıllıda tədbir keçirilib. Bu haqda ShimalNews 2 avqust tarixində məlumat verir.
Tədbir Ailə, Qadın və Uşaq Problemləri üzrə Dövlət Komitəsinin Uşaq və Ailələrə Dəstək Mərkəzi tərəfindən təşkil olunub. Gənclər Qalacıq kəndində olublar, “Ögey ana” filminin kadrlarının lentə alındığı yerləri, o cümlədən itburnu kolunun bitdiyi o məşhur qayanı gəziblər.
Daha sonra tədbir iştirakçıları filmin çəkildiyi İsmayıllı rayonunun Qalacıq-İstisu kəndi ərazisində Azərbaycan Dövlət Mədəniyyət və İncəsənət Universitetinin tələbələri tərəfindən qoyulmuş abidəni ziyarət ediblər.
