İsmayıllıda narkotik təsiri altında avtomobil idarə edən sürücü saxlanılıb. Bu barədə ShimalNews 25 iyun tarixində xəbər verir.
Dövlət Yol Polisi profilaktik tədbirlər keçirib. "Chevrolet" markalı avtomobilin sürücüsü R.Məmmədov təhlükəsizlik kəmərindən istifadə etmədiyi üçün saxlanılıb. Bu vaxt onun narkotik vasitə qəbul etdiyinə dair şübhə yaranıb və tibbi müayinə keçirilib.
Nəticədə sürücünün marixuana istifadə etdiyi müəyyən olunub. Həmin şəxs barəsində toplanmış materiallar baxılması üçün rayon məhkəməsinə göndərilib.
