İsmayıllıda dələduzluqda təqsirləndirilən Məhəmmədəli Qədirovun barəsindəki qərardan kassasiya şikayəti verilib.
Pravda.az-ın məlumatına görə, şikayət Ali Məhkəmənin hakimi İlqar Qılıcovun sədrliyi ilə araşdırılacaq.
Məhkəmənin ilkin baxış iclası hələlik açıqlanmayıb.
Qeyd edək ki, Məhəmmədəli Qədirov zərərçəkmiş şəxsin oğlunu Ali Hərbi Məktəbə düzəldəcəyini vəd edərək onun 34 min manat pulunu dələduzluq yolu ilə ələ keçirməkdə təqsirləndirilib.
Ona qarşı Cinayət Məcəlləsinin 178.2.4 (dələduzluq-xeyli miqdarda ziyan vurmaqla törədildikdə) maddəsi ilə ittiham irəli sürülüb.
İsmayıllı Rayon Məhkəməsinin hökmü ilə Məhəmmədəli Qədirova bəraət verilib. Hökmdən narazı qalan zərərçəkmiş apellyasiya şikayəti verib. Şəki Apellyasiya Məhkəməsi isə şikayəti təmin etməyib.
