İsmayıllı rayonunda "Azerbaijan Coca-Cola Bottlers" şirkətinin yeni istehsal müəssisəsinin təməli qoyulub. Bu haqda ShimalNews 18 may tarixində “Report”a istinadən məlumat verir.
Mərasimdə iqtisadiyyat naziri Mikayıl Cabbarov, "Coca-Cola Bottlers"in baş direktoru Rəna Məmmədova, İsmayıllı rayonunun icra başçısı Nahid Bağırov iştirak ediblər. Burada müxtəlif çeşidli qazlı və qazsız alkoqolsuz içkilər istehsal ediləcək.
Zavod 7 il müddətində mənfəət və gəlir vergisinə 50 % güzəşt əldə edib. Eyni zamanda 7 il müddətində əmlak və torpaq vergisindən, texnika, texnoloji avadanlıq və qurğuların idxalına görə ƏDV-dən və gömrük rüsumlarından azad olunub.
Müəssisədə 100 nəfər işlə təmin olunacaq. Zavodun investisiya dəyəri 60-68 milyon manat təşkil edir.
