İsmayıllıda internetdən təhlükəsiz istifadə ilə bağlı maarifləndirici tədbir keçirilib. Bu haqda ShimalNews 5 iyul tarixində məlumat verir.
“İnformasiya təhlükəsizliyi: internetdəki təhlükələrdən necə qorunaq?” adlı maarifləndirici görüşdə Rayon İcra Hakimiyyətinin məsul əməkdaşı Bəhruz Xələfov, Dağlıq Şirvan Regional Gənclər və İdman İdarəsinin rəis müavini Fərhad Qurbanov, “Kapital Bank”ın İsmayıllı rayon filialının müdiri Nurlan Məmmədov, İsmayıllı Rayon Polis şöbəsinin kibercinayətkarlıqla mübarizə bölməsinin əməkdaşı polis mayoru Xətai Daşdəmirli fəal şəkildə iştirak ediblər.
Tədbirdə çıxış edən qonaqlar mövzu ətrafında fikir mübadiləsi aparıb, informasiya təhlükəsizliyinin şəxsi məlumatların icazəsiz və ya qeyri-formal şəkildə əldə edilməsi və onlar üzərində müxtəlif əməliyyatların aparılmasının önlənməsini nəzərdə tutduğunu qeyd ediblər.
