İsmayıllı rayonunda vərəm stiqmasının ləğvi istiqamətində maarifləndirmə təlimi keçirilib. Bu haqda ShimalNews 22 iyun tarixində məlumat verir.
“Regionlarda qadınlar və uşaqlar arasında vərəm xəstəliyinin profilaktikası və ailələrdə vərəm stiqmasının ləğvi istiqamətində maarifləndirmə işi” mövzusunda baş tutan tədbirə İsmayıllı rayonunda yaşayan ailələr, rayonun GEM mütəxəssisləri, orta məktəb müəllimləri, uşaq bağçalarının əməkdaşları, tibb bacıları, mərkəzin əməkdaşları cəlb olunublar.
"İcra edilmiş layihənin məqsədi gənc ailələr və onların ailə üzvləri arasında vərəm və digər infeksion xəstəliklərin yoluxma yolları və profilaktikası mexanizmləri barədə məlumatlılığın artırılması və müalicəyə bağlılığın səmərəliliyini yüksəltməklə yanaşı, vərəm və digər infeksion xəstəliklərin profilaktikası, infeksion nəzarətin düzgün icra edilməsi və pasiyentlərin müalicəyə bağlılığının təmin olunmasının vacibliyini sadə şəkildə izah etmək olub" - “Vərəmsiz Gələcəyə Doğru” İctimai Birliyinin sədri Çingiz Ramazanlı bildirib.
