İsmayıllı rayonunda gənc ailələr vərəm və digər infeksion xəstəliklərin yoluxma yolları ilə tanış olublar. Bu haqda ShimalNews 28 iyun tarixində məlumat verir.
“Vərəmsiz Gələcəyə Doğru” İctimai Birliyi tərəfindən “Regionlarda qadınlar və uşaqlar arasında vərəm xəstəliyinin profilaktikası və ailələrdə vərəm stiqmasının ləğvi istiqamətində maarifləndirmə işi” mövzusunda maarifləndirici təlimdə İsmayıllı rayonunda yaşayan ailələr və onların ailə üzvləri, rayonun Gigiyena və Epidemiologiya Mərkəzinin mütəxəssisləri, orta məktəb müəllimləri, uşaq bağçalarının əməkdaşları, tibb bacıları, mərkəzin əməkdaşları iştirak ediblər.
Məqsəd gənc ailələr və onların ailə üzvləri arasında vərəm və digər infeksion xəstəliklərin profilaktikası mexanizmləri barədə məlumatlılığın artırılması, vərəm və digər infeksion xəstəliklərin profilaktikası, infeksion nəzarətin düzgün icra edilməsi və pasiyentlərin müalicəyə bağlılığının təmin olunmasının vacibliyini izah etmək olub.
