"Bələdiyyələrin fəaliyyətinə inzibati nəzarəti həyata keçirən orqanın illik məruzəsi" Milli Məclisin Regional məsələlər komitəsinin iclasında müzakirəyə çıxarılıb.
Shimal.News məlumat verir ki, ümumilikdə keçən il bələdiyyələrin yol verdiyi 21 qanun pozuntusu üzrə cinayət işi başlanıb.
Məruzəyə əsasən İsmayıllı rayonu Qalagah və s. bələdiyyələrin vəzifəli şəxslərinin fəaliyyəti barəsində toplanmış sənədlər hüquqi qiymət verilməsi üçün aidiyyəti üzrə istintaq orqanlarına göndərilib.
Eləcə də Ağsu rayonu İlxıçı bələdiyyəsinin 2020-2023-cü illər üzrə fəaliyyəti yoxlanılıb. Nəticədə bələdiyyənin vergi müfəttişi torpaq sahələrinin icarə haqlarını nağd qaydada yığaraq yerli büdcəyə ödəməməsi faktı üzrə cinayət işi başlanılıb.
Məruzəyə əsasən, son 5 il ərzində 158 bələdiyyənin (2020-ci ildə 23; 2021-ci ildə 27; 2022-ci ildə 27; 2023-cü ildə 30 və 2024-cü ildə - 51) fəaliyyətində cinayət əlamətləri aşkar edildiyindən toplanmış sənədlər hüquqi qiymət verilməsi üçün istintaq orqanlarına göndərilib.
