İsmayıllıda tələbələr “26 İyun – Narkomaniya və Narkobiznesə qarşı Beynəlxalq Mübarizə Günü” nə həsr olunmuş maarifləndirici görüşdə iştirak ediblər. Bu haqda ShimalNews 24 iyun tarixində məlumat verir.
Dövlət Humanitar və Texnologiya Kollecində təşkil olunan tədbirin keçirilməsində məqsəd narkomaniya və psixotrop maddələrin insan orqanizmində yaratdığı problem və fəsadlarla bağlı gəncləri məlumatlandırmaq, onlara sağlam həyat tərzi sürməyin vacibliyini anlatmaq olub.
Tədbirdə İsmayıllı rayon İcra Hakimiyyətinin məsul əməkdaşı Nəsimi Teymurov, İsmayıllı Dövlət Humanitar və Texnologiya Kollecinin əyani şöbəsinin müdiri Elmir Ağayev, Dağlıq Şirvan Regional Gənclər və İdman İdarəsinin rəis müavini Fərhad Qurbanov , İsmayıllı Uşaq və Ailələrə Dəstək Mərkəzinin əməkdaşı Ayşən Mahmudova və müəllimlər, tələbələr iştirak ediblər.
