İsmayıllı rayonunda külli miqdarda oğurluqda təqsirləndirilən şəxsin kassasiya şikayəti təmin edilib. Bu haqda ShimalNews 15 avqust tarixində “Pravda.az”a istinadən məlumat verir.
Qərar Ali Məhkəmənin hakimi Ələsgər Novruzovun sədrliyi ilə keçirilən prosesdə elan olunub. Sona Abdullayevaya şərti cəza verilib. O, 4 saylı Cəzaçəkmə Müəssisəsindən azadlığa buraxılıb.
İttihama görə, qadın qeyri-rəsmi ər-arvad münasibətində yaşadığı zərərçəkmiş S.Qasımovun pul və qızıl-zinət əşyalarını gizli talayıb, daha sonra isə həmin cinayətin izini gizlətmək məqsədilə daşınmaz əmlakını içindəki əşyalarla birlikdə yandırıb. Abdullayeva ümumilikdə 209.325 manat dəyərində oğurluq edib.
Şəki Ağır Cinayətlər Məhkəməsinin hökmü ilə o, 5 il 6 ay müddətinə azadlıqdan məhrum edilmişdi. Şəki Apellyasiya Məhkəməsi isə məhkumun apellyasiya şikayətini təmin etməmişdi.
