Baş Prokuror yanında Korrupsiyaya qarşı Mübarizə Baş İdarəsinin əməkdaşları tərəfindən saxlanılan İsmayıllı şəhər inzibati ərazi dairəsi üzrə nümayəndəsi Əlişir Süleymanov barəsində cinayət işi başlanıb.
“Qafqazinfo” xəbər verir ki, istintaq-əməliyyat tədbirləri nəticəsində Əlişir Süleymanovun xidməti vəzifələrinin icrası ilə bağlı şəhəri ərazisində yerləşən qeyri-yaşayış sahələrində müvafiq tikinti işlərinin aparılmasına maneə yaradılmaması və işlərin davam etdirilməsinə şərait yaradılmaqla himayədarlıq göstərilməsi müqabilində ayrı-ayrı şəxslərdən müxtəlif məbləğlərdə pul vəsaitini rüşvət qismində istəməsinə və almasına əsaslı şübhələr müəyyən edilib.
Cinayət işi üzrə toplanmış ilkin sübutlar əsasında Əlişir Süleymanova təkrar və külli miqdarda rüşvət alma maddələri i ilə ittiham elan edilib. Onun barəsində həbs qətimkan tədbiri seçilib.
