Dağlıq Şirvan Regional Təhsil İdarəsində (RTİ) dövri yoxlamalar aparılıb. Bu haqda ShimalNews 2 iyul tarixində xəbər verir.
Yoxlamalar təhsilin dövlət standartlarına uyğun təşkilinə nəzarətin həyata keçirilməsi, direktor və direktor müavinlərinin işə qəbulu prosesinin mövcud qaydalara uyğun təşkili, kadrların təyinatı və yerləşdirilməsi, eyni zamanda qayda və təlimatların icra vəziyyətinin yoxlanılması məqsədilə həyata keçirilib.
Araşdırmanın nəticəsində ciddi nöqsanlar üzə çıxıb. Təhsil nazirinin müvafiq əmri ilə RTİ-nin müdiri Rövşən Əliyev iyulun 1-dən tutduğu vəzifədən azad edilib. Onu idarənin müdir müavini Həmid Qasımov əvəz edəcək.
