İsmayıllıda xəsarətlə nəticələnmiş yol qəzası törətməkdə təqsirləndirilən şəxsin cinayət işi üzrə ibtidai istintaq başa çatıb. Bu haqda ShimalNews 1 may tarixində “E-huquq.az”a istinadən məlumat verir.
Vüqar Ziliyevin barəsində toplanan cinayət işi materialları baxılması üçün İsmayıllı Rayon Məhkəməsinə göndərilib. Prosesi hakim İlqar Hüseynov icra edəcək. Məhkəmənin hazırlıq iclası mayın 14-nə təyin olunub.
Rayonun Bədo adlanan ərazisində “Tofaş” markalı avtomobil idarəetməni itirərək “KamAZ” markalı yük maşınına çarpılmışdı. Nəticədə İsmayıllı sakini Vüqar Ziliyev və Laçın sakini Elvin Məmmədov müxtəlif dərəcəli bədən xəsarətləri ilə Rayon Mərkəzi Xəstəxanasına çatdırılmışdı.
