İsmayıllıda məktəblilər üçün “Zərərli vərdişlərə və narkomaniyaya “YOX” deyək” mövzusunda maarifləndirici tədbir keçirilib. Bu haqda ShimalNews 25 aprel tarixində məlumat verir.
7 saylı tam orta məktəbdə baş tutan görüşün əsas məqsədi yeniyetmə və gəncləri zərərli vərdişlərdən uzaqlaşdırmaq, narkomaniyaya qarşı mübarizə aparmaq və bu mübarizəni uğurla həyata keçirmək, asudə vaxtlarının səmərəli təşkil edilməsi istiqamətində təklif və tövsiyələri nəzərə çatdırmaq olub.
Çıxış edən qonaqlar öz nitqlərində narkomaniya və onun fəsadları, onun ümumbəşəri bir bəla olması və həlli istiqamətində atılan addımlar barədə yeniyetmə və gəncləri məlumatlandırıblar. Sonra mövzu ilə bağlı videoçarx nümayiş etdirilib.
